Советот на Општина Центар одлучи да се додели еднократна парична помош во висина од 400.000 денари на градот Петриња, Р. Хрватска.
– Овие средства ги донираме во знак на помош и поддршка на нашите пријатели од Петриња по разорниот земјотрес од 6,2 степени по Рихтеровата скала, во кој на 29-ти декември минатата година загинаа седум лица, многумина ги загубија своите домови, а целиот град беше претворен во рушевина. Со овој чин на дело ја покажуваме нашата солидарност кон соседите во овие тешки времиња, а средствата во најбрз можен рок ќе им бидат на располагање на граѓаните на Петриња – вели градоналаникот на општина Центар, Саша Богдановиќ.