Екипите на јавното претпријатие „Паркови и зеленило“ периодов вршат есенско уредување на јавите зелени површини низ сите реони на градот. Се косат тревниците, се кројат грмушки, се расчистува диво израснато зеленило, а се собираат и лисја.
– Се сади и новиот есенски цветен расад. Со околу 150.000 цветови од видот viola, brassica и hrizantema ќе се уредат цветните површини и цветните фигури, чии цветови веќе ги надополнуваат есенските тонови на бои во градот – соопштија од ЈП „Паркови и зеленило“.
Исто така, со овие есенски активности се изврши и надополнување на зеленилото во градот, односно се засадија неколку видови на листопадни и зимзелени садници на повеќе локации.
