Словачките власти денес обвинија четири лица за убиството на истражувачкиот новинар Јан Кучијак и неговата вереница Мартина Куснирова во 2018 година, што предизвика протести против корупцијата на највисоко ниво и доведе до оставка на тогашниот премиер Роберт Фиц.
Портпаролката на државниот правобранител соопшти дека во врска случајот поднесени се вкупно шест обвиненија, вклучувајќи и убиство со предумисла.
Првиот осомничен е Марјан Коцнер, претприемач со политички врски кој бил главна тема во извештајот за корупција на Кучијак, а за кој обвинителството смета дека го нарчал убиството.
Тројца осомничени, меѓу кои и Коцнер, се изјаснија за невини, додека четвртиот призна дека го застрелал Кучијак.
Младиот, 27-годишен новинар и неговата вереница беа застрелани во нивниот дом надвор од Братислава во февруари минатата година.