Не дозволувајте терасата или балконот да бидат само место за трупање работи или место каде што не престојувате често. Овој дел од куќата може да биде важен во текот на летото, но ако го украсите на вистински начин. Терасата или балконот можат да бидат вистинска оаза и место каде што можете да се одморите, но и да го поминете поголемиот дел од денот.
Прво пронајдете го вистинското место на вашата тераса каде што можете да создадете зона за одмор и ладење. Користете го аголот во сенка со поставување градинарски мебел.
Ако сакате целосно да уживате во вашата тераса или балкон, ставете удобен комплет, столови, маса. Исто така, лулашка може да биде идеално решение.
Светлата се клучен дел за разубавување на секој агол, затоа изберете светла што најдобро ќе одговараат на просторот на вашата тераса или балкон. Може да се одлучите за лед-светла, големи ламби, ѕидни ламби итн.
Растенијата дополнително ќе го подобрат изгледот на просторот, но исто така ќе создадат смирувачка атмосфера. Ако сакате просторот на терасата да изгледа што е можно поприродно, тогаш изберете многу растенија.
Ќе постигнете попријатна атмосфера со миризливи свеќи, но исто така и визуелно ќе го подобри изгледот на терасата и балконот. Свеќите ќе создадат поинтимна и романтична атмосфера која ќе биде посоодветна за релаксација.
Ако се одлучите за софи, перниците ќе го оживеат сетот. Исто така, постелнините или ќебињата дополнително ќе го подобрат изгледот на просторот. Можете исто така да се одлучите за некој симпатичен мал килим.
