Повеќе од 20 млади луѓе завршија во болница во Норвешка поради труење со јаглерод моноксид за време на забава одржана во подземен бункер во Осло, објави Би-би-си.
Полицијата соопшти дека забавата случајно била откриена кога полициска патрола поминала покрај група млади луѓе кои изгледале збунето покрај бункерот.
Наскоро уште неколку луѓе излегле од бункерот и побарале итна медицинска помош. Норвешките власти веруваат дека труењето било предизвикано од преносни генератори. Лекарите изјавиле дека, за среќа, сите се добро и дека се надвор од животна опасност. Полицијата ги повикаа сите учесници кои страдаат од гадење, главоболка или вртоглавица да побараат лекарска помош. Двајца полицајци, наводно, биле меѓу членовите на забавата.
