Членовите на Здружението на новинарите на Македонија (ЗНМ) денеска избираат претседател и нови членови на управните тела.
Изборното собрание на ЗНМ се одржува во хотелот „Александар палас“ во Скопје, во Во салата, покрај гласачките кутии и параваните, поставена е и кутија за донации за новинарот Саше Димовски, на кого пред извесен период му беше ампутирана ногата.
Кандидати за нов претседател на ЗНМ се актуелниот прв човек на новинарското здружение, Младен Чадиковски, како и новинарите Фиљана Кока и Марјан Николовски.
Во Управниот одбор за 10 места, пријавени се 24 кандидати, за 5 места во Надзорниот одбор има 9 кандидати, додека за предвидените 5 позиции во Советот на честа се пријавиле 11 члена.
ЗНМ е едно од најстарите здруженија во Македонија, основано е во 1946 година и во него членуваат околу 1.000 професионални новинари, сниматели и фоторепортери.
ФОТО: П.Стојановски, Ѕ.Плавевски
