За потребите на детската градинка „Расадник“ набавени се 300 нови душеци за рекс креветчињата, нова постелнина, гардеробери, плакари за складирање, теписони за игра, повеќе пластични анатомски столчиња, нови 124 детски дрвени столчиња и 23 масички. Покрај ова, во објектот „Расадник“ целосно обновени се седум тоалети.
Од Општина Кисела Вода информираат дека за градинката во населбата Пржино набавени се 200 душеци за детските рекс креветчиња, нова постелнина, детски столчиња и масички, теписони за игра, гардеробери за сите простории, потемнувачки зебра завеси, клупи за соблекување/облекување чевли и анатомски пластични столчиња.
– Објектите на „8 Март“, „Пеперутка 1 и 2“ опремени се со нови душеци за бебешки креветчиња, анатомски пластични столчиња и повеќе теписони за игра и забава на децата. Нови теписони набавени се за објектите „Стапалче“, „Ѕуница“ и „Зелениково“- велат од локалната самоуправа.
