Сомалиските исламски милитанти вечерва нападнаа хотел во кој има ресторан за владини претставници во главниот град Могадишу, објави Ројтерс, повикувајќи се на полицијата и очевидци.
Терористичката група Ал Шабаб, која е поврзана со Ал Каеда и контролира делови од земјата, ја презеде одговорноста за нападот, велејќи дека цел била блиската претседателска палата.
„Бевме потресени од силна експлозија, по што слушнавме истрели. Седиме во нашите куќи и слушаме пукање“, рече Ахмед Адбулахи, кој живее во близина на центарот.
Напаѓачите упаднале во хотелот „Виља Роуз“, но се уште не е познато колку има, соопштија полициски службеници.
Некои владини функционери избегаа бегајќи низ прозорците.