Меѓународниот олимписки комитет (ИОК), и покрај противењето на западните земји, препорача отворање на вратите на меѓународните натпревари за руските и белоруските спортисти.
Германија сега најавува дека ембаргото на нејзина територија останува на сила.
- Земјите кои се домаќини на големи спортски настани не се беспомошни. Тие можат да го контролираат издавањето визи и да одлучат дали навистина ќе им дозволат на Русите да учествуваат. Ќе постапиме во согласност со нашиот сопствен, многу јасен став, кога ќе организираме меѓународни натпревари во Германија, истакна министерката за внатрешни работи Ненси Фезер.
Спортистите од Русија и Белорусија беа исфрлени од повеќето меѓународни натпревари поради рускиот напад над Украина во февруари минатата година.
Сепак, на крајот на март ИОК препорача да им биде дозволено учество под услов да не настапуваат под националните симболи, туку како неутрални спортисти.
Некои организации, вклучително и атлетиката, рекоа дека нема да го укинат ембаргото, но други, како што се гимнастиката, борењето и мечувањето, се против настап на спортисти од овие две земји.
Ова ги поттикна Германија, Полска и некои други земји да ги откажат настаните на кои требаше да бидат домаќини оваа година.
Фезер инсистира на тоа дека евентуалното отворање на спортска сцена за пропаганда на рускиот претседател Владимир Путин, исто така ќе биде предавство на сите вредности на спортот.
- Неприфатливо е украинските спортисти да се соочуваат со ривали од земја која убива толку многу цивили во Украина, заврши министерката Фезер.
