Осмиот тенисер во светот Андреј Рубљов, се пожали дека и по седум години професионална кариер не собрал пари за да си купи сопствен стан. Според официјалните податоци, Русинот има заработено осум лилиони долари од наградни фондови, но тврди дека се уште нема сопствен стан.
-Минатата година пет месеци морав да давам плата на членовите на мојот тим, а не играв на ниеден турнир и немав приходи. Но заштедив на авионски билети. Навистина заработувам, но тенисот е многу скап спорт и не ми останува доволно за инвестиции, изјави Русинот.
Рубљов (23) во кариерата има освоено осум АТП титули, а оваа година победи на турнирот во Ротердам. Најуспешна му беше минатата година кога осови пет титули, Виена, Сант Петербург, Хамбург, Аделаида и Доха.
