Спортскиот директор на ПСЖ, Леонардо изјави дека клубот не добил никакви понуди за Неимар. Барселона сака Бразилецот да се врати на „Ноу Камп“, но се уште нема официјална понуда.
- Искрено, немам вести, Неимар не заминува, нема конкретни предлози за него, тој е поврзан со ПСЖ со договор и тој е играч на ПСЖ, изјави Бразилецот.
Тој потоа зборуваше за трансфер плановите на парижаните ова лето.
- Мислам дека селекцијата е скоро завршена, сакавме да потпишеме со централен дефанзивец и играч од средниот ред. Абду Дијало дојде на позицијата дефанзивец, сега бараме играч од средниот ред, додаде Леонардо.