Во пожар изгоре планинарската куќа „Ловечка“ која се наоѓа на надморска височина од 1950 метри на планината Баба.
Станува збор за објект кој го користеа битолските планинари, како и вработените од предавателниот пункт „Пелистер“ во ситуација на невреме или висока снежна покривка.
-Жално е тоа што се случило на планинарската куќа „Ловечка“. За жал, после „Копанки“, ова е второ сместувалиште на планинарите кое сега е неупотребливо. Планинарската куќа „Ловечка“ служеше за преноќување, сместување и одмор, но, за жал, оваа зима ќе биде неупотреблива, велат битолски планинари.