Најмалку пет лица се повредени во пукање во Индијанаполис, Индијана, САД, јави телевизијата Фокс 59, повикувајќи се на локалната полиција.
Инцидентот се случи во саботата попладне по локално време, на паркингот во близина на погребен дом. Според полицијата, таму имало погребална служба во моментот на пукањето.
Полицијата пристигнала на местото на инцидентот и пронашла три жртви, меѓу кои и четиригодишно девојче. Таа во сериозна здравствена состојба била пренесена во болница. Набргу потоа, полицијата беше известена за уште две жртви кои беа примени во болница со прострелни рани. Според полицијата, непосредно пред пукањето, непознат маж се приближил до паркингот. Потоа настанала расправија, која завршила со пукање. Полицијата го истражува инцидентот.
