Здружението на граѓани „Конект“ организира акција за донирање во Дневниот центар за деца на улица во Шуто Оризари. Овој месец, според донаторскиот календар на ова здружение, е посветен на овој центар под мотото „Детска недела“
– Овој месец ни е посветен на Дневниот центар за деца на улица во Шуто Оризари којшто има потреби што граѓаните многу лесно можат да ги опслужат. Нашето малку за некого може да биде многу – вели Виктор Мирчевски, програмски раководител во „Конект“.
Од ова здружение во повикот до сите хумани луѓе потенцираат дека Дневниот центар за деца на улица во Шуто Оризари згрижува 100 деца и оти дневно се доволни само 600 денари за храна, грижа и едукација на три деца, додавајќи дека кој сака може овие деца да ги израдува и со играчки, облека и со други подароци.
Од „Конект“ потенцираат дека ваквите акции не мора да траат само еден месец, туку и во текот на годината.