Научниците идентификуваа „невидлива“ верзија на сојот омикрон што не може да се открие со рутински тестови што ги користат службениците во јавното здравство за да го следат неговото ширење низ светот, пишува „Гардијан“.
Невидливата верзија на вирусот има многу заеднички мутации со стандардниот Омикрон, но и недостасуваат одредени генетски промени кои овозможуваат лабораториските ПЦР тестови да се користат како грубо и готово средство за означување на можни случаи.
Истражувачите велат дека е премногу рано да се знае дали новата форма на омикрон ќе се шири на ист начин како и стандардната варијанта на омикрон. Тие истакнуваат дека оваа верзија е генетски различна и дека би можела поинаку да се однесува, пренесува „Гардијан“.
Невидливата вервија за прв пат била забележана меѓу геномите на коронавирус регистрирани во последните денови во Јужна Африка, Австралија и Канада, но тешкотијата во откривањето на варијантата значи дека таа можеби веќе се проширила. Од десетици случаи идентификувани досега, ниту еден не е регистриран во Велика Британија.
