Ѓумбирот поради своите аналгетски, антивоспалителни и антибактериски својства е познат народен лек.
Освен како зачин во исхраната помага при слабеење, го забрзува метаболизмот, помага при главоболки и мачнини, а благодарение на минералите и витамините е одличен борец против настинки и вируси.
Ќе се изненадите колку поинаку ќе се чувствувате ако го пиете секојдневно, особено во овој период.
Потребно е:
- Шолја зовриена вода
- Изрендан ѓумбир
- Лажиче мед
- Лажиче свежо исцеден сок од лимон
Приготвување
Загрејте ја водата да зоврие, а потоа во неа ставете го изренданиот ѓумбир.
Оставете го да кисне во водата три минути. Додадете лажиче мед и сок од лимон.
Процедете го чајот, па отстранете ги остатоците од ренданиот ѓумбир.
Убаво измешајте.
Можете во чајот да додадете и лажиче цимет во прав кој дејствува како антисептик.
Исто така, во чајот може да се додаде и половина здробено чешне лук, кој исто така го јакне имунитетот ип прстофат каенски црвен пипер.