Научниците користеле вештачка интелигенција (AI) за да откријат нов антибиотик кој може да убие смртоносен вид на супербактерија, пренесе БиБиСи.
Вештачката интелигенција помогна да се отстранат илјадниците потенцијални хемикалии кои би можеле да се тестираат во лабораторија.
Резултатот беше моќен, експериментален антибиотик наречен абацин, на кој ќе му треба повеќе тестирање пред да може да се користи.
Тоа е последниот во серијата примери за тоа како алатките за вештачка интелигенција можат да бидат револуционерна сила во науката и медицината. Антибиотиците ги убиваат бактериите, но има недостиг на нови лекови со децении, а бактериите стануваат сè потешко за лекување бидејќи развиваат отпорност на постоечките лекови.
Истражувачите од Канада и САД велат дека вештачката интелигенција има моќ масовно да го забрза откривањето на нови лекови.
Повеќе од милион луѓе годишно умираат од инфекции кои се спротивставуваат на антибиотскиот третман. Истражувачите се фокусираа на еден од најпроблематичните видови бактерии – Acinetobacter baumannii – кој може да зарази рани и да предизвика пневмонија.
Тоа е една од трите супербактерии идентификувани од Светската здравствена организација како „критична“ закана. Често не реагира на различни антибиотици и е проблем за болниците и домовите за стари лица, каде што може да преживее на површини и медицинска опрема.
Интересно е што овој експериментален антибиотик немал ефект врз другите видови бактерии и делува само на A. baumannii. Многу антибиотици неселективно ги убиваат бактериите. Истражувачите веруваат дека прецизноста на абацинот ќе го отежне појавувањето на отпорноста на лекот и ќе доведе до помалку несакани ефекти.
