MADRID, SPAIN - NOVEMBER 04: Gareth Bale (L) of Real Madrid CF replaces team mate James Rodriguez (R) during the UEFA Champions League Group B match between Real Madrid CF and Liverpool FC at Estadio Santiago Bernabeu on November 4, 2014 in Madrid, Spain. (Photo by Gonzalo Arroyo Moreno/Getty Images)
Пријателскиот натпревар во Рим, помеѓу екипите на Рома и Реал (М) заврши без победник (2:2) во регуларните 90 минути, а непредвидливиот пенал рулет се покажа како среќен за „волчицата“.
Сепак, овој натпревар најмногу ќе биде коментиран поради кам-бекот на Герет Бејл во првиот тим на „кралскиот клуб“. Велшкиот интернационалец влезе во игра во 61 минута, но и таа минутажа му беше доволна за да ги импресионира шпанските медиуми.
Верувале или не, но беше најдобар играч на натпреварот. Доколку игра вака на секој натпревар, сигурно ќе одигра голема улога во новата сезона, пишува шпанскиот весник „Марка“.
Помалку воодушевен беше шефот на стручниот штаб Зинедин Зидан, но францускиот стручњак ја потврди големата вест за Велшанецот и колумбискиот интернационалец Хамес Родригез.
Хамес и Бејл се играчи во мојот тим. Двајцата се регистрирани, сите опции се во игра, но јас како тренер на Реал (М), морам да сметам и на нивните услуги. Сметам на нив 100%, изјави Зи-Зу.
Двоецот Хамес-Бејл цело лето е во фудбалскиот фокус поради информациите дека сигурно ќе си заминат од „Сантијаго Бернабеу“, но ниту еден заинтересиран клуб нема испратено понуда која е прифатлива за челниците на Реал (М).
