Меѓународна група научници откри дека внатрешното јадро на Земјата расте секоја година во асиметрична шема.
Ова можат да го видат само кога ќе истражат сеизмички бранови што минуваат низ цврстото јадро на Земјата, и поради некоја причина брановите патуваат значително побрзо додека се движат помеѓу Северниот и Јужниот Пол, отколку преку екваторот.
Студијата, објавена на почетокот на јуни во научното списание „Nature“, наведува дека внатрешното јадро расте нерамномерно, на таков начин што новите железни кристали се формираат побрзо од источната страна отколку од западната.
Тие го откриле ова со помош на компјутерски симулации кои покажуваат како се зголемило јадрото во изминатите милијарди години. Како што велат, секоја година, малку по малку, расте јадрото на Земјата.
Earth’s core is growing ‘lopsided’ and scientists don’t know why https://t.co/J2Tg4hQ1Ls pic.twitter.com/lZ3zXfZLxD
— SPACE.com (@SPACEdotcom) June 13, 2021
Иако тие знаат за оваа неправилност со децении, тие сè уште не знаат која е причината и забележуваат дека треба да ги разберат процесите што се случуваат во обвивката на јадрото за да одговорат на тоа прашање.
„Секој слој на Земјата контролира што е горе, и влијае на она што е испод. Внатрешното јадро нежно ја замрзнува течноста на надворешното јадро, како снежна топка, додавајќи нови слоеви. Надворешното јадро потоа ја лади обвивката на јадрото над него, така што прашањето зошто внатрешното јадро расте побрзо од едната страна од другата може да биде еквивалентно на тоа зошто едната страна од обвивката на јадрото е поладна од другата“, рече Даниел Фрост, сеизмолог од Универзитетот во Калифорнија и главен автор на студијата.
Во просек, јадрото расте со дијаметар од околу милиметар секоја година. Според гравитацијата, „растот” на исток се турка на запад и таму кристалите се собираат во решетки структури кои се протегаат по оската север-југ.
Во исто време, научниците откриле дека внатрешното јадро на нашата планета губи топлина нерамномерно, што, тие веруваат, може да објасни друга мистерија – слабеење на магнетното поле на Земјата што ја штити планетата од космичко зрачење и наелектризирани честички што ги емитира сонцето.
Извор: Nature.com
