Анте Ребиќ ќе биде откупен од Милан, пренесуваат италијанските медиуми. Хрватскиот репрезентативец пристигна во Милано на двегодишна позајмица од Ајнтрахт Франкфурт со клаузула во која „росонерите“ ќе имаат право на негов откуп за 25 милиони евра.
Ребиќ нешто послабо го одигра првиот дел од сезоната, но последните недели сè повеќе се истакнува како еден од најдобрите фудбалери на Милан. Со игрите им „влезе под кожа“ на Паоло Малдини и на Звонимир Бобан кои веќе почнаа преговори со бундеслигашот за откуп на неговиот договор.
