МЗТ Скопје меле се пред себе

Кошаркарите на МЗТ Скопје ја забележаа 11. победа во Регоналната АБА 2 лига, откако во СЦ „Јане Сандански“ славеа над Зрински со 97:75.

Избраниците на Ѓорѓи Кочов имаа негатива од еден поен (27:28) по првата четвртина, но потоа заиграа многу подобро и на одмор заминаа со пет поени предност (46:41). Во третиот период „металците“ ја обезбедија клучната разлика, добивајќи го 27:16, по што рутински го приведоа мечот до крајот со сигурен трриумф.

Најефикасен во победничкиот тим беше Андрија Бојиќ со 26 поени, додека Андреј Магдевски запиша 17 коша. На спротивната страна Марко Шутало постигна 16 поени.

ФОТО: Н. Батев