Претседателот на Албанија Илир Мета тврди дека премиерот Еди Рама не се консултирал со него за учеството на Албанија во иницијативата „Отворен Балкан“, туку со претседателот на Србија, Александар Вучиќ.
-Ова е иницијатива која го смени своето име трипати за многу кратко време. Тоа доведе до многу дебати и противречности, особено меѓу косовските лидери. Не е сеопфатна и не може да биде трајна соработка, изјавил Мета за Еј-Би-Си Њуз, пренесуваат албанските медиуми.
Тој, исто така, ја нарече надворешната политика на Тирана „секогаш стабилна“ и оти секогаш „го имала на ум косовското прашање“.
-На прво место мора да имаме заедничка координација, вршиме притисок врз Косово дека не сакаат соработка, не знам колку и служи на Албанија или на Косово, жал ми е за ова прашање. Не преземам иницијативи во надворешна политика без консултации со други фактори“, заклучи Мета.