Двојниот светски шампион, репрезентацијат на Аргентина, експресно се рехабилитираше од срамниот пораз од селекцијата на Саудиска Арабија откако со 2:0 ја доби пресметката против секогаш незгодниот тим на Мексико. Со освоените три бода, популарните „гаучоси“ останаа во игра за едно од двете места кои водат во 1/8 финалната рунда, а како и секогаш, спасител на Аргентинците беше капитенот, Лионел Меси.
Фудбалерот на францускиот гигант ПСЖ прво постигна прекрасен погодок, а во самиот финиш од натпреварот му асистираше на Енцо Фернандез кој го постави и конечниот резултат.
Освен по победата и маестралната игра на капитенот, овој натпревар вечно ќе биде запаметен и по новите историски успеси на Меси.
Аргентинецот е прв фудбалер во историјата кој истовремено е и најмлад и најстар фудбалер на Светските првенства кој на меч на СП успеал да запише гол и асистенција.
Меси на СП во Германија во 2006 година против Србија стана најмлад со гол и асистенција на 18 години и 357 дена, а против Мексико стана најстар на кого му успеал ваков ефект од гол и асистенција со 35 годинии 155 дена.
Истовремено Меси со осмиот гол на Светските првенства се израмни со легендата Диего Армандо Марадона, а го израмни и рекордот со 21 меч за националниот тим на СП. Фудбалерот на ПСЖ сега го брка Габриел Батистута кој има 10 гола на Светските првенства за да стана нејефикасен Аргентинец.