Одличниот Аргентинец сонуваше конечно да ја освои титулата светски првак и ја дочека во Катар. Тој најави дека финалето со Франција ќе му биде последен меч во сино-белиот дрес, тоа го пренесоа и бројни аргентински и меѓународни медиуми, но сега изгледа се предомислил?
Знаев дека Бог ќе ми го даде пехарот“. Одамна го имав овој голем сон, сакав да ја завршам репрезентативната кариера на Светското првенство. Не можам да барам повеќе од ова“, зборовите на Меси ги пренесоа бројни светски медиуми.
Сепак, аргентинскиот TyC Sports, за разлика од другите медиуми, објави сосема поинаква изјава:
„Не, нема да се повлечам од репрезентацијата. Сакам да продолжам да играм како светски првак во дресот на Аргентина“, порача капитенот на гаучосите.
Лео Меси одигра 172 натпревари во сино-белиот дрес на Аргентина и постигна 98 голови. Значи, треба да го очекуваме и јубилејниот 100-ти гол во репрезентацијата.
Lionel Messi: “No, I’m NOT gonna retire from the national team. I want to keep playing as World Cup champions with Argentina shirt”, tells TyC Sports. ⭐️🇦🇷 #Qatar2022 pic.twitter.com/Nd9KGboZgG
— Fabrizio Romano (@FabrizioRomano) December 18, 2022