Ракомениот репрезентативец на Данска и член на бундеслигашот Рајн Некар Левен, Менса Ларсен е позитивен на коронавирусот. Тој минатата недела имал симптоми на грип, но откако ги направил тестовите добил неочекувани вести дека е позитивен на Ковид 19 и веднаш бил испратен во домашна изолација.
-Постојано сме во контакт со нашиот тимски доктор и ќе направиме се што е во наша можност да го забавиме ширењето на вирусот. Свесни сме за нашата обврска и одговорност во оваа критична состојба. Здравјето на нашите играчи и вработени е наш главен приоритет, изјави спортскиот директор на РНЛ, Џенифер Кетерман.
