МБА: Банките подготвени за исплата на социјалната и детската парична помош

160

Банките се подготвени да ја извршат исплатата на паричната помош од социјална и детска заштита, информира Македонската банкарска асоцијација.

-Сите корисници на парична помош од социјална и детска заштита, коишто поседуваат дебитни картички, ќе располагаат со средствата, преку банкоматите и во трговската мрежа од денес, петок, 3 јули 2020 година во попладневните часови, извести МБА.

За корисниците кои не користат картички, како што е соопштено и овојпат исплатата ќе се спроведе во групи, во сите отворени филијали и експозитури на банките, согласно со утврдениот распоред по азбучен ред, според првата буква од презимето:

–   6 јули (понеделник) – А, Б, В, Г, Д, Ѓ, Е, Ж, З, Ѕ;

–   7 јули (вторник) – И, Ј, К, Л, Љ, М, Н, Њ, О;

–   8 јули (среда) –П, Р С, Т, Ќ, У, Ф, Х, Ц, Ч, Џ, Ш;.

Банките ги молат клиентите на банките коишто не поседуваат дебитна картичка да се придржуваат до утврдениот распоред. Воедно потсетуваат дека при посета на филијалите и експозитурите треба да бидат запазени сите препораки за заштита на здравјето односно клиентите на банките треба задолжително да носат лична заштитна опрема и да одржуваат соодветна дистанца согласно со насоките.