Турли тава е традиционално македонско јадење кое се подготвува во многу домаќинства. Многу е вкусна за јадење, но и здрава, бидејќи изобилува со многу зеленчук. Се подготвува со месо, но многу е вкусна и посната тава, за оние кои не консумираат месо.
Ви предлагаме веќе пробан рецепт, и нема да згрешите доколу го подготвите, а за вкусот ќе раскажувате.
Потребни состојки:
- 700 гр свинско месо
- две пиперки
- две главици кромид
- половина главица лук
- 1 црн патлиџан
- 1 тиквичка
- 200 гр бамји
- 2 поголеми компири
- три црвени домати (и 200 мл доматен сос)
- два моркови
- магдонос (околу половина китка, сецкан)
- зачини – сол, бибер, магдонос, црвен пипер
Подготовка:
Месото се сече на коцки, а потоа и целиот зеленчук се чисти и се сече на парчиња и се става во тава. Многу е вкусна ако ја печете во земјана тава.
Измешајте го целиот зеленчук со месото и зачините во тавата и посипете доматен сос и од горе наредете кругови црвен патлиџан.
Печете на 200 степени, прво покриена со фолија додека не зоврие, а потоа тргнете ја фолијата и печете околу 45 минути, или додека зеленчукот убаво да се потпече.
Навистина ќе уживате во вкусот. На здравје!