Ракометарите на Македонија добија лесна и не толку атрактивна група на Европското првенство кое ќе се одржи во Шведска, Австрија и Норвешка.
Ждрепката во Виена посака „црвено – жолтите“ да се паднат во групата Б, во која за противници ќе ги имаат селекциите на Чешка, Австрија и Украина. Мечевите од оваа група ќе се играат во Виена.
Во „групата на смртта“ се најдоа селекциите на Данска, Унгарија, Исланд и Русија.
Европското првенство на кое учество за првпат ќе земат 24 репрезентации започнува на 9 јануари и ќе се игра до 26 јануари. Титулата ја брани селекцијата на Шпанија.
ГРУПИ ЗА ЕП 2020
ГРУПА А (Грац): Хрватска, Белорусија, Црна Гора, Србија
ГРУПА Б (Виена): Чешка. Македонија, Австрија, Украина
ГРУПА Ц (Трондхајм): Шпанија, Германија, Летонија, Холандија
ГРУПА Д (Трондхајм): Франција, Норвешка, Португалија, БиХ
ГРУПА Е (Малме): Данска, Унгарија, Исланд, Русија
ГРУПА Ф (Готенбург): Шведска, Словенија, Швајцарија, Полска
