Претседателот на Белорусија Александар Лукашенко денеска изјави дека граѓаните на Русија масовно купуваат стоки во Белорусија.
Со оглед на тоа што цените на храната скокнаа во странство, Лукашенко смета дека ова е можност земјоделството во земјата добро да заработува, пренесува Интерфакс Русија.
„Ситуацијата е таква што оваа и следната година ни треба крв од нос да пуштиме за да работиме добро во земјоделството. Вашите производи во странство имаат добра цена. Цените на храната скокнаа. Русите доаѓаат овде – купуваат сè. Ова е златна година за земјоделството!“, рече Лукашенко.
Претседателот на Белорусија привлече внимание и на важноста од одржување на добитокот, со цел да се профитира од сточарството.
Во исто време, Лукашенко изрази уверување во побарувачката за белоруски производи на странските пазари.
