Владата на Летонија денеска одобри измени на законот за мерки за намалување на влијанието од вонредното поскапување на енергенсите, кои меѓу другото вклучуваат и надоместување на трошоците за греење на домаќинствата.
Вкупниот износ на поддршката е зголемен од првично планираните 350 милиони евра на 442,25 милиони евра, стои на веб-страницата на Владата.
Како што јави агенцијата Интерфакс, станува збор за поддршка на граѓаните кои за греење користат струја, природен гас, дрвени брикети, пелети и огревно дрво.
Имајќи го предвид наглото зголемување на цените на дрвените брикети и пелети, како и нивното учество во затоплувањето на домаќинствата, границата е поставена на 300 евра за тон“, се наведува во соопштението.