Потврдено е дека лек против паразити достапен низ целиот свет го убива вирусот корона во лабораторија за 48 часа.
Заедничка студија предводена од Институтот за биомедицина Монаш во Монаш и Институтот Доерти, открила дека лекот „Ивермецтин“ го запира коронавирусот додека расте во културата на клетките.
Следниот чекор е да се утврди дали може ефикасно да го третира корона вирусот кај луѓето и д се открие која би била безбедната доза. Ивермецтин со години се користи низ целиот свет како третман за низа состојби, вклучително и како препарат против вошки и шуга, а достапен е како пилула, лосион или шампон.
Истражувачката од Институтот за биомедицина Монаш, Кајли Вагстаф, кој ја водеше студијата Ивермецтин, рече дека тимот е „претпазливо оптимисичен“ за потенцијалот на лекот.
Таа вели: „Она што е најважно сега е дали овие безбедни дози, ќе функционираат и кај луѓето за да бидат ефикасни врз вирусот“.
Ивермецтин е лек против паразити одобрен од Управата за храна и лекови на САД, за кој претходно се покажа дека е ефикасен во инвитро против широк спектар на вируси, вклучувајќи ХИВ, денга, грип и цика.
Лековите против паразити, кои напаѓаат организми веќе во организмот, се различни од вакцините, кои го обучуваат имунолошкиот систем на организмот да се бори против болеста пред да се зарази.
Иако механизмот со кој работи Ивермецтин врз вирусот не е познат, она што е очигледно дека лекот го напаѓа вирусот во самата клетка на „домаќинот“ при што го задушува вирусот, рече д-р Вагстаф.
Заменик-главниот директор за здравство на Викторија, Аналиес ван Диман изјави дека раните резултати од студијата се „одлични“.
Сепак, таа истакна дека експериментите биле „во лабораторија“ и сега треба да се види како ќе напредува во следната фаза на испитување пред да се започне со третман кај пациентите.
Наодите од студијата беа објавени преку ноќ во списанието „Антивирусно истражување“.
Извор:msn.com
