Легендарниот американски боксер, Дерик Џеферсон (52), е кома откако се зарази со коронавирус, пренесуваат американските медиуми. Информацијата за болеста на боксерот ја потврди и неговиот син – Џебри Џеферсон.

  • Првиот тест на коронавирус беше негативен. Мислевме дека е некој грип, но на вториот тест се покажа дека е позитивен на Ковид-19. Сега е во кома, истакна синот на Дирик.

Џебри додаде дека неговиот татко се рехабилитира, и воедно се надева дека нема да има некакви компликации во наредниот период.

Џеферсон во својата кариера има 28 победи, од кои 21 со нокау. Во 2001 година ги одмери силите против Украинецот Владимир Кличко за титулата светски шампион, каде загуби, забележувајќи го третиот пораз во кариерата.