Швајцарската скијачка Лара Гут Бехрами го освои малиот Кристален глобус во Светскиот куп, откако победи на последниот супервелеслалом сезонава возен во Солде.
Олимписката шампион славеше со време од 1:26.70 минути и за 22 стотинки беше побрза од Италијанката Федерика Брињоне, а 47 стотинки од Норвежанката Рагнхилд Мовинкел.
Lara Gut-Behrami had no choice but to win to earn her fourth super G title and she did it!! What a super run in @Soldeu 🇦🇩#fisalpine pic.twitter.com/YFAXySfFkJ
— FIS Alpine (@fisalpine) March 16, 2023
Пред трката, пет скијачки беа во трка за малиот Кристален глобус во Супер-Џи, бидејќи имаше седум различни победници во претходните седум трки. На крајот го освои Гут Бехрами – четврти пат во кариерата, по 2014, 2016 и 2021 година.
Американската скијачка Микаела Шифрин, која претходно го освои големиот Кристален глобус, трката ја заврши на 14. место.