Добри вести дојдоа од српската престолнина, откако Црвена звезда објави дека Огнен Кузмиќ бил изваден од вештачката кома. Раководството на „црвено-белите“ додава дека кошаркарот веќе е свесен и се чувствува добро, а неговото опоравување оди во позитивна насока.
Кузмиќ претрпе сериозни повреди на главата и градите во сообраќајна несреќа во Босна и Херцеговина и беше задржан неколку дена во медицинска кома.
Дваесет и деветгодишниот Србин потпиша договор со „звездашите“ во почетокот на јули, откако претходно две сезони беше дел од тимот на Реал. Центарот, висок 214 сантиметри, има титула од Евролигата со „белите“, а со српската репрезентација има сребрен медал од ЕП 2017 година.
