Ако барате совршен колач, овој дефинитивно ќе ви биде фаворит. Едноставен и кремаст десерт, кој ако добро го разладите ќе ве освежи во топлите денови, а воедно и добро ќе ве заслади.
Состојки:
(за тесто)
- 6 белки
- 120 гр шеќер
- неколку капки арома ванила ( или едно кесиче)
- мала лажичка јаболков оцет
- 70гр. кокос
- 4 лажици брашно
- едно пециво
- 150гр. ореви
За крем
- 600 мл млеко
- 12 лажици шеќер
- 2 ванили
- 6 жолчки
- 6 лажици брашно
- 250 гр. путер
- шлаг пена за декорација
Прво го подготвуваме тестото на стандарден начин. Ги матиме белките, па го додаваме шеќерот, оцетот, на крај кокосот, брашното и пецивото. Тестото го ставаме во тава, што сме ја подмачкале со путер. Одозгора се посипува со сецкани ореви
Се става да се пече во загреана рерна и се пече на 180 степени, додека зарумени.
Го подготвуваме кремот со тоа што во дел од млекото го раствораме брашното и ги додаваме изматените жолчки, а за тоа време на оган ни зоврива остатокот од млекото со шеќерот.
Ја додаваме смесата во зовриеното млеко и го вариме кремот додека ја добие потребната густина. Млакиот крем го додаваме лажица по лажица во добро изматениот путер.
Го нанесуваме готовиот крем на кората, а врз него ставаме шлаг. Најгоре се става малку кокос. Разладете го добро, а потоа колачот насецкајте го на коцки.
Уживајте во вкусот!
