epa10323744 Nikola Karabatic of PSG in action during the EHF Champions League handball match between Paris Saint-Germain Handball and GOG Handbold in Paris, France, 23 November 2022. EPA-EFE/CHRISTOPHE PETIT TESSON

Еден од најдобрите ракометари во светот во последната деценија, Никола Карабатиќ, мора да направи нова подолга пауза поради повреда. Како што објавија француските медиуми, Карабатиќ и покрај тоа што пред кусо време го продолжи договорот со ПСЖ, нема да му биде на располагање на тренерот во следните 3 месеци, откако стана јасно дека има посериозна повреда на десната нога.

Поддржан од лекарскиот тим на ПСЖ, Карабатиќ ќе мора да следи третман базиран на антикоагуланси кои ќе го спречат да продолжи со физичка активност и вежбање на високо ниво. Тоа е огромен удар за играчот и парискиот клуб, бидејќи се ближат завршните дуели во Лигата на шампионите и националното првенство.