Еден од најбараните криминалци во Мексико и водач на озлогласен нарко картел, Хозе Антонио Јепез, попознат како Ел Маро, е осуден на 60 години затвор, соопштија синоќа од државното обвинителство.
Ел Маро е обвинет за организирање кражба на гориво и поттикнување на нагло зголемување на насилството во централната држава Гуанахуато, пренесува Торонто Сан.
Од канцеларијата на државниот обвинител во Гуанахуато преку Твитер објавија дека регионалниот суд „него и неговите соучесници и извршители ги прогласи за виновни за злосторства за киднапирање“.
@FGEGUANAJUATO Sentencian a JOSÉ ANTONIO “N” alias El Marro a 60 años de cárcel en Guanajuato.
Un tribunal de juicio oral del @PoderJudicialGT, con sustento en las pruebas presentadas por el MP especializado, lo encontró culpable a él y a sus coautores por el delito de secuestro. pic.twitter.com/hGraXufDNO— Fiscalía General del Estado de Guanajuato (@FGEGUANAJUATO) January 15, 2022
Тој беше уапсен во 2020 година, во голем удар врз мафијата и мексиканските картели, од страна на претседателот на Мексико, Андрес Мануел Лопез Обрадор.
Ел Маро беше шеф на картелот Санта Роса де Лима со седиште во Гуанахуато, кој во последните години води интензивна крвава војна со картелот Нова генерација Халиско, еден од најмоќните и најкрвавите криминални кланови во Мексико.