Во светот на Цеца и Карлеуша, бидете Сека Алексиќ!
Популарна фолк-пејачка родена е на 23 април 1981 година во Зворник, во Босна, како Светлана Алексиќ. По разводот на нејзините родители, таа со мајка ѝ и брат ѝ се преселила во Бања Ковиљача во Србија. Живеела со нив, а очувот ѝ бил единствената поддршка кога почна да пее.
По завршувањето на основното училиште замина во средното земјоделско училиште, но поради слабите резултати го напуштила во 1996 година и целосно ѝ се посветила на пеењето. Најпрво започнала да настапува со бендот „Строго поверљиво“, живеела во Бјелина, а во 2000 година, на 19 години заминала во Швајцарија каде што настапувала по клубови. Во 2003 година, Сека се здоби со огромна популарност благодарение на хитот и спотот „Црно и златно“ во режија на Дејан Милиќевиќ.
–
Но, зошто е повторно толку многу озборувана?
На првиот ден од протестот „Србија против насилството“ во Белград, таа предизвика хаос: „Благодарение до временската прогноза, која најави страшно невреме за денеска советувам да не излегуваме од дома“, напиша иронично таа и сподели бројни фотографии од протестот на кои се гледа огромна маса луѓе.
–
Денес живее во среќен брак со бившиот телохранител Вељко Пиљикиќ, со кој има два сина.
Пејачката продолжи да повикува на тие демонстрации и да ја критикува владата со твитови.
„Во светoт на Цеца и Карлеуша, бидете Сека Алексиќ“, напиша Марко Дражиќ, колумнист кој ѝ се придружи во протестите. Во моментов Сека е веројатно најомилената естрадна личност во Србија, но и на просторите на поранешната Југославија. Д.М. фото:ФБ
