“Кредит” е насловот на новата претстава во Велешкиот театар чија премиера се очекува кон средината на февруари. Во тек се подготовките за претставата, а според режисерот Витанов, станува збор за дуодрама, направена во жанрот на комедија во која се претставени згоди и незгоди при земање кредит од банка.
Претставата е по текст на Жорби Галсеран, а во режија на Ненад Витанов. Сценографијата е на Филип Коруновски.
Во претставата ќе настапат актерите Жарко Спасовски и Фаик Мефаиловски.