Претседателот на Граѓанско демократската унија, Петар Колев денеска гласаше на своето гласачко месо во училиштето „Славејко Арсов“, во штипската населба Баби.
По гласањето истакна дека гласал за младите во политиката и почнување на процес на промена преку личен пример.
-Гласав затоа што секој еден од нас треба да каже како ќе се развива нашата држава од денеска па натаму. Ние како ГДУ се обидовме и до последниот ден водевме позитивна кампања и се надевам дека позитивизмот ќе вроди со плод во нашето општество. Знаете имам измешани чувства, како човек кој се јавил на интервју за работа пред граѓаните за минималец од 14.500 денари, а моите работодавачи се уште не знам дали ме одобриле и дали ќе ми дадат шанса да ја работам работата за која сум се нафатил – вели Колев.
Претседателот на ГДУ посакува мирен изборен ден на сите избирачки места во земјава и дека на крајот како што рече демократијата ќе победи.
