Книга на годината според “Гудридс“: „Дејзи Џонс енд Д Сикс” на македонски

77

Книгата на годината според најголема светска заедница на љубители на книгите „Гудридс“ (Goodreads), „Дејзи Џонс енд Д Сикс“ од Тејлор Џенкинс Рејд, е објавена во издание на „Арс Либрис“, дел од „Арс Ламина – публикации“ на македонски јазик.

Книгата е и бестселер на „Њујорк тајмс“.

Сите ги знаат „Дејзи Џонс енд Д сикс“: албумот „Аурора“ на овој бенд ја дефинираше ерата на рокенролот во доцните седумдесетти и цела генерација девојчиња сакаа да бидат како Дејзи кога ќе пораснат. Но, никој не ја знае причината за распаѓањето на групата една вечер по нивниот последен концерт на стадионот во Чикаго, на 12 јули 1979 … сè досега. Дејзи е девојка на прагот на полнолетството во Лос Анџелес во доцните шеесетти години од минатиот век, која се прикрадува во клубовите на Сансет Стрип, спиејќи со рок-ѕвезди и која сонува да пее во „Виски а гоу-гоу“. Сексот и дрогата се возбудливи, но рокенролот е она што таа го сака најмногу.

Кога ќе наполни дваесет години, нејзиниот глас ќе биде забележан, а нејзината зашеметувачка убавина ги предизвикува луѓето да прават луди работи. Паралелно ја следиме приказната за „Д сикс“, бенд предводен од меланхоличниот Били Дун. Вечерта пред нивната прва турнеја, неговата девојка дознава дека е бремена. Под притисок на претстојните татковство и слава, Били за време на турнејата комплетно откачува. Патиштата на Дејзи и Били ќе се вкрстат кога продуцентот сфаќа дека клучот на успехот е во нивното спојување. Она што следува станува легенда…