Книга: „Град на девојки“ – авантурите среде театарскиот свет на Њујорк

147

„Град на девојки“ на Елизабет Гилберт е интригантен роман за гламурот, сексот и авантурите на една млада девојка среде театарскиот свет на предвоениот Њујорк во 40-тите години на минатиот век.

„Тое е лична исповед на Вивијан кога има 82 години. Таа конечно отворено ја раскажува својата приказна, но и онаа на жените околу неа – жени што ги кршат социјалните стереотипи на своето време и го пронаоѓаат својот пат до среќата, во век што никогаш не можел да биде во чекор со нив. Откако 19-годишната Вивијан Морис е исфрлена од еден угледен колеџ, нејзините богати родители ја испраќаат да живее со својата тетка Пег, сопственичка на екстравагантен театар во срцето на Менхетен. Тука девојката се втурнува во откривање на харизматичните ликови од волшебниот свет на бурлеската. Времето поминато со нив ќе ја охрабри да го живее животот со полни гради. Во пенливиот и смел театарски свет на Њујорк во 1940-тите години, Вивијан ќе научи и некои лекции, а горчливо ќе зажали и за направените грешки. За да го живее животот што го сака, таа ќе мора да живее многу животи, непрестајно и генијално приспособувајќи се“, посочува издавачот Антолог.