Кирил Колемишевски нов главен извршен директор на Македонска банка за поддршка на развојот

225

Кирил Колемишевски е поставен за нов главен извршен директор на Македонска банка за поддршка на развојот АД Скопје.

Оваа информација е објавена на сајтот на Македонска берза а во соопштението се посочува дека оваа одлука е донесена на седницата на Надзорниот одбор на Банката одржана на 15 мај, пред два дена.„На седницата на Надзорниот одбор на Банката одржана на 15.05.2019 година е донесена Одлука бр.02-1268/1 за именување на лицето Кирил Колемишевски за вршител на должност член на Управен одбор главен извршен директор на Македонска банка за поддршка на развојот АД Скопје.

Мандатот на вршителот на должност член на Управен одбор — главен извршен директор е со почеток од 15.05.2019 година, а истекува со денот на добивање на согласност од страна на гувернерот на Народна банка на Република Северна Македонија за именување на член на Управен одбор на банката — главен извршен директор“, пишува во одлуката.

Со уписот на Кирил Колемишевски за вршител на должност главен извршен директор во трговскиот регистар се брише Драган Мартиновски главен извршен директор поради истек на мандат.

Кирил Колемишевски  на јавноста и е многу повеќе познат како член на бендот „Нокаут“ а и искусен адвокат кој се занимава со стопанско право.