Англискиот премиерлигаш Лестер ќе се обиде за време на зимскиот преоден рок да ги осигура услугите на португалскиот интернационалец од редовите на шпанскиот прволигаш Бетис, Вилијам Карваљо. Одличниот играч за врска игра совршено во актуелната сезона и сосема очекувано го привлече вниманието на раководните лица на Лестер кои се подготвени да одвојат околу 30 мил. фунти за обештетувањето на поранешниот фудбалер на Спортинг од Лисабон.