Алжирскиот џудист Фети Нурин го жртвуваше својот настап на Олимписките игри во Токио затоа што одби да настапи против учесник од Израел.
Во понеделникот беше извлечен со Суданецот Мохамед Абдалрасул, по што следеше борба со Израелецот Тохар Бутбул. Сепак, Алжирецот одби да му се спротивстави на борецот од Израел поради политичко прашање и затоа ги напушти Олимписките игри.
- Напорно работевме за да се пласираме на Олимписките игри, но палестинското нешто е поголемо од сето тоа. Немавме среќа со ждрепката. Добивме израелски противник и затоа моравме да се повлечеме. Донесовме правилна одлука, изјави за алжирските медиуми тренерот на Нурин, Амар Бен Јаклиф.
Фети го напушти Светското првенство во 2019 година, откако исто така мораше да се бори со гореспоменатиот конкурент од Израел.
Алжир со години ги прекина дипломатските односи со Израел и не ги признава. Всушност, со тоа се забранува влез за секој што има израелски пасош. Дискриминацијата на израелските спортисти трае со години.
Во април оваа година, Меѓународната федерација на џудо воведе четиригодишна забрана за иранската џудо федерација, откако нејзините спортисти одбија да се соочат со Израелците.
Исто така, на Олимписките игри во 2016 година, египетскиот џудист Ислам Ел Шахаби го напушти натпреварувањето, бидејќи одби да се ракува со ривал од Израел.
