Посетителите на местото Филињано во италијанскиот регион Молизе можат да добијат еднонеделен бесплатен престој, како дел од иницијативата за заживување на туризмот, сектор кој е погоден од пандемијата на коронавирус.
Проектот е инициран од општината со околу 600 жители во соработка со хотелот „Ле Гинестре“, кој обезбеди 50 бесплатни седумдневни престои во периодот од 17 јули до 25 септември.
Неопходно е туристите заинтересирани да учествуваат во проектот да не живеат во регионот Молизе или да немаат роднини во областа, што е еден начин да се поттикне туризмот и да се промовираат знаменитости во областа.
Молизе се наоѓа на два часа од Рим, а овој регион успеа да го задржи бројот на заразени на ниско ниво во однос на остатокот од земјата.