Полицијата го уапсила мажот кој синоќа ја запалил големата новогодишна елка поставена пред деловната зграда на Менхетн во која се наоѓаат редакциите на „Фокс њуз“, „Њујорк пост“ и „Волстрит журнал“.
Обезбедувањето на „Фокс њуз“ во ноќните часови забележало човек како се качува на новогодишната елка, висока 15 метри пред деловната зграда на Менхетн, соопшти њујоршката полиција.
Накитената вештачка елка набрзо потоа била целата во пламен, па морале да реагираат и пожарникарите кои го изгаснале пожарот.
Четириесет и деветгодишниот маж кој ја запалил елката се обидел да побегне, но малку подоцна тој е уапсен и обвинет за повеќе кривични дела.
49 year old Craig Tamanaha, who is homeless, is in police custody after he was spotted lighting the Fox News Christmas tree on fire in New York City. Building security says he was seen climbing the tree with lighter. pic.twitter.com/tj4qE0c52b
— Parker Branton (@ParkerBranton) December 8, 2021
