Меѓународната атлетска федерација (ИААФ) нема да го обнови членството на Руската атлетска федерација, соопштија француските медиуми. На 7 јуни претседателот на Руската федерација, Дмитри Шлахтин имал средба со раководството на ИААФ и двете страни разговарале за деталите околу евентуалното враќање на правата на Руската атлетска федерација, која недела порано го исплатила долгот во износ од 3,2 милиони долари. Така, најновото барање на Меѓународната асоцијација на атлетски федерации беше исполнето.

Работната група при ИААФ го ценела позитивниот развој во Руската федерација во последно време, но следеа нови негативни публикации во медиумите, што покажало решително влијание. Пред седницата на советот на ИААФ во Монако на 7 јуни, весникот „Сандеј Тајмс“ напиша дека некои од сегашните лидери на Руската федерација учествувале во фалсификувањето документи за случајот со сребрениот медал од Светското првенство во дисциплината скок во височина на Данил Лисенко. Веднаш потоа, беше објавено дека тренерот Владимир Мохнев, кој е суспендиран 10 години, продолжува да ја практикува својата професија.

Друг стратег во областа на атлетиката Виктор Чегин, кој исто така е дисквалификуван поради допинг прекршоци, склучил договори на државно ниво за обезбедување на безбедноста на Рускиот спортски центар во износ од 8,5 милиони рубљи.

По овие настани, ИААФ одлучи да не го враќа членството, а преговорите меѓу двете страни ќе продолжат и во иднина.

Членството во Руската атлетска федерација на ИААФ беше прекинато во ноември 2015 година. Нешто подоцна на руските спортисти им беше дозволено да учествуваат на разни меѓународни турнири под неутрално знаме.