Претседателот на Француската фудбалска федерација, Ноел Ле Гре, изјави дека Зинедин Зидан е приоритет број еден за заменик на францускиот селектор Дидие Дешам. Зизу и претходно беше поврзуван со позицијата селектор, но потоа се врати во шпанскиот клуб Реал Мадрид.
- Денот кога Дидие ќе одлучи да си замине или ќе истече неговиот договор, Зидан е човекот за работата. Секако, сè додека е слободен. Дешамп ќе биде и во Катар, а потоа ќе видиме, изјави шефот на Француската федерација.
Дешам, кој го запиша своето име во историјата, откако стана светски шампион со Франција како капитен во 1998 година и како тренер во 2018 година, ја предводи репрезентацијата на својата земја од 2012 година, а исто така успеа да стигне до сребрените медали на домашниот европски шампионат во 2016 година. Претходниот договор на Дешам истекуваше по завршувањето на ЕП 2020, но тој ќе добие шанса да ја води Франција и на СП во 2022 година.
Дешам и Зидан го освоија трофејот заедно како играчи на СП во 1998 година, а во 2018 година Дидие го однесе тимот на врвот на светот и како ментор. Зидан, од друга страна, во својот прв престој во Реал Мадрид има освоено три последователни титули во Лигата на шампионите.
