Завршен е проектот за комплетна реконструкција на градскиот базен во Кавадарци, информираа денеска од Kабинетот на градоначалникoт Митко Јанчев.
Во проектот се предвидува, нивото да се намали со комплетно нови плочки, нов пумпен систем за вода и филтри.
-На дел од големиот базен ќе се постават и топогани, а другиот дел ќе си остане рекреативен. Во малиот детски базен ќе се постават детски реквизити за водните лудории за децата, а во партерот ќе има и детско игралиште на гумена подлога. Комплетно ново реновирање на тоалети, соблекувални, тушеви, партер околу целиот базен, соба за доктор, влезни партии, нови кровови на постоечките шанкови, лежалки, велат од Кабинетот.
Додаваат и дека ќе се направи она што е дополнително потребно, за градскиот базен да функционира како забавен воден парк и за младите и за постарите.
